TOShKENT, 2 sen — Sputnik. Tvitterdagi We global football sahifasi Jahon chempionati saralashida ishtirok etayotgan jamoalarning Rossiyadagi mundialga borish imkoniyatlarini hisoblab chiqdi.
Unga ko‘ra, O‘zbekiston terma jamoasining 2018-yilgi Jahon chempionatiga borish imkoniyatlari 37,83 foiz deb baholandi. O‘zbekiston "Omad kulib boqishi lozim" bo‘lgan guruhga qo‘shildi.
Updated #WorldCup2018 odds for every team. Huge games today should shake things up. pic.twitter.com/Uz6ZApfu45
— We Global Football (@We_Global) 1 sentabrya 2017 g.
Janubiy Koreyaning imkoniyati esa 72,71 foizga teng deb topildi. So‘nggi pallada mundial chiptasi uchun kurashga jiddiy ravishda qo‘shilgan Suriyaning imkoniyatlari esa 13,63 foizga tenglashtirilmoqda. Kuni kecha O‘zbekistonni mag‘lub etgan Xitoyning ko‘rsatkichi 0,25ga teng. Qatarda imkoniyat qolmagan.
Eslatib o‘tamiz, 5-sentabr kuni O‘zbekiston terma jamoasi Toshkentda Janubiy Koreyaga qarshi o‘yin o‘tkazadi.
