TOShKENT, 31 avg — Sputnik. O‘zbekiston va Buyuk Britaniya sayyohlar uchun viza berish tartibini soddalashtirish masalasini muhokama qildilar, deb xabar qilmoqda turizmni rivojlantirish davlat qo‘mitasi matbuot-xizmati.
Xabarda aytilishicha, Turizmni rivojlantirish qo‘mitasi, Londondagi O‘zbekiston elchixonasi xodimlari va sayyohlik kompaniya vakillari ishtirokida o‘tkazilgan video uchrashuvda ikki davlat sayyohlariga viza berish tartibini yanada soddalashtirish masalalari ko‘rib chiqildi.
Shuningdek, tomonlar sayyohlik sohasida kadrlarni o‘qitish, O‘zbekistondagi barcha sayyohlik obyeklarida pul bankomatlarini o‘rnatish, ingliz OAVlarida O‘zbekistonning sayyohlik sohasidagi imkoniyatlarini targ‘ib qilish ishlarini yanada jadallashtirish bo‘yicha vazifalarni belgilab olganlar.
