TOShKENT, 25 avg — Sputnik. UzReport TV Germaniyaning Gamburg shahrida 25-avgustdan 2 sentbrga qadar bo‘lib o‘tadigan boks bo‘yicha jahon chempionatini to‘g‘ridan-to‘g‘ri namoyish etish huquqini qo‘lga kiritdi.
Turnirda 195 davlat, jumladan, Kuba, Qozog‘iston, Rossiya, Ukraina, Angliya va Fransiyalardan bokschilar ishtirok etishadi.
O‘zbekiston terma jamoasi barcha vazn toifalarida ishtirok etishi belgilangan.
Milliy jamoa tarkibi: Hasanboy Do‘smatov (49 kg gacha), Jasur Latipov (52 kg), Murodjon Axmadaliyev (56 kg), Elnur Abduraimov (60 kg), Iqboljon Xoldorov (64 kg), Shahram G‘iyosov (69 kg), Isroil Madrimov (75 kg), Bektemir Meliqo‘ziyev (81 kg), Sanjar Tursunov (91 kg), Baxodir Jalolov (+91 kg).
