TOShKENT, 19-avgust — Sputnik. Sirdaryo viloyatida hosil yig‘ish paytida shakli inson qo‘liga o‘xshab ketadigan makkajo‘xori so‘tasi topildi, deb xabar berildi hokimiyat saytida.
Xabarda aytilishicha, u aynan odam qo‘li shaklida bo‘lib, beshta barmoqsimon so‘ta uchlari yaqqol ko‘rinib turadi. Hatto odamning kaftidagi chiziqlar ham chizib qo‘yilgandek.
Viloyat o‘lkashunoslik muzeyi direktori Zokir Xoldorov u muzeydagi tabiatga tegishli eksponatlar qatoridan joy olishini aytdi.
