TOShKENT, 13 avg — Sputnik. O‘zbekiston huquqni saqlash organlari Toshkentda 2,5 ming dollar evaziga Rossiya fuqaroligini olib berishni va’da qilgan firibgarni qo‘lga oldi, deb xabar qilmoqda RIA Novosti mahalliy OAVlar xabari asosida.
"Yakkasaroy tumani IIB tomonidan o‘tkazilgan "Tozalash" tadbiri davomida Rossiya Federatsiyasi fuqaroligini olish bo‘yicha barcha hujjatlarni rasmiylashtirish va kerakli bojlarni to‘lashni va’da bergan fuqaro qo‘lga olindi", — deyilgan xabarda.
Xabarda aytilishiga ko‘ra, qo‘lga olingan fuqaro Vladimir Kolesov jabrlanuvchidan barcha kerakli hujjatlarni rasmiylashtirish uchun 2,5 ming dollar olgan.
Ushbu ish yuzasidan JKning "Firibgarlik" bandi bo‘yicha jinoiy ish qo‘zg‘atilgan. O‘zbekiston Jinoyat kodeksining ushbu bandigan asosan ayblanuvchilar uch yilgacha ozodlikdan mahrum qilinishi mumkin.
O‘zbekistondagi Rossiya elchixonasi Rossiya fuqaroligini olish niyatida bo‘lgan fuqarolardan turli vositachilar xizmatida foydalanish noqonuniy ekanligini haqidagi eslatmaslarni doimiy ravishda o‘z sahifasida e’lon qilib keladi.
