TOShKENT, 12-avgust — Sputnik. 36 yoshli O‘zbekiston fuqarosi va noma’lum shaxslar o‘rtasida janjal kelib chiqqan, deb xabar bermoqda Moskvaning Cheromushki tumani boshqaruvi.
"Janjal vaqtida u yonidan jarohat yetkazuvchi to‘pponcha chiqargan, ammo u bilan janjallashayotganlar to‘pponchasini tortib olishgan. Uning ko‘kragiga o‘q uzishgan hamda boshiga bir necha marta urishgan. Shundan so‘ng qochib ketishgan", — deyiladi xabarda.
Jarohatlangan o‘zbekistonlik Moskvadagi Sklifosovskiy nomidagi tez yordam ilmiy-tadqiqot institutiga olib kelingan. Politsiya holat yuzasidan jinoyat ishi qo‘zg‘atdi hamda jinoyatchilarni qidirmoqda.
