Ahmadboy ishi bo‘yicha ikkinchi sud majlisi bo‘lib o‘tdi

© YoutubeAxmad Tursunbayev
Axmad Tursunbayev - Sputnik O‘zbekiston
Obuna bo‘lish
Sud majlisda Ahmad Tursunboyev tomonidan tashkil etilgan «Chinoz halol chorva” va «Chinoz avto hamkor” korxonalari faoliyatidan jabrlangan 11 fuqaroning ko‘rsatmalari tinglandi.

TOShKENT, 10 avg — Sputnik. Toshkent viloyati sudida 9-avgust kuni chinozlik "Ahmadboy" va uning olti nafar sheriklari ishi bo‘yicha navbatdagi sud majlisi bo‘lib o‘tdi, deb xabar qilmoqda Uz24.uz nashri.

Majlisda Ahmad Tursunboyev tomonidan tashkil etilgan «Chinoz halol chorva» va «Chinoz avto hamkor» korxonalari faoliyatidan jabrlangan 11 fuqaroning ko‘rsatmalari tinglandi.

Ayni damda Tursunboyev Ahmadga O‘zbekiston Jinoyat kodeksining to‘rt bandi bo‘yicha ayblov qo‘yilmoqda: 177 modda — valyuta mablag‘larini noqonuniy sotib olish va sotish, 188 modda – ro‘yxatdan o‘tmasdan tadbirkorlik faoliyati  bilan shug‘ullanish, 189 modda – savdo-sotiq qoidalarini buzish, 190 modda – Litsenziyasiz faoliyat olib borish.

Eslatib o‘tamiz Axmad Tursunboyev va uning  sheriklari 2016-yilning iyul oyida qo‘lga olingan edi. Jinoiy guruh a’zolari aholidan o‘ta katta miqdorda mablag‘ qabul qilib, uni bir yil ichida 100% stavkasi bilan qaytarib berishni va’da berishgan. Shuningdek, ular aholiga oyiga 40% stavkasi bilan aholiga qarz ham berishgan.

Jinoiy guruh turar joylarida qidiruv o‘tkazilganida 13,1 mlrd so‘m, 7,9 mln dollar pul mablag‘lari hamda bir necha qimmatbaho avtomobillar topilgan.

Yangiliklar lentasi
0