O‘zbekiston Shveysariya qonunchilik tajribasini qo‘llashni mo‘ljallamoqda

TOShKENT, 9-avgust — Sputnik. O‘zbekiston Shveysariyaning qonunchilik va boshqa masalalardagi tajribasini 2017-2021-yillarga mo‘ljallangan Harakatlar strategiyasini amalga oshirish davomida qo‘llashni rejalashtirmoqda.

Bu haqda O‘zbekiston tashqi ishlar vaziri Abdulaziz Kamilov va Shveysariyaning favqulodda va muxtor elchisi Olivye Shav o‘rtasidagi uchrashuvda ma’lum qilindi.

O‘zbekiston TIV matbuot xizmatining ma’lum qilishicha, tomonlar shuningdek, O‘zbekiston-Shveysariya hamkorligining hozirgi holati, uni yanada mustahkamlashning istiqbollari, dolzarb mintaqaviy va xalqaro muammolar muhokama qildi.

Bundan tashqari, ikki tomonlama aloqalarni faollashtirish, vazirliklararo siyosiy maslahatlashuvlar o‘tkazish amaliyotini davom ettirish, o‘zaro savdoni oshirish, investitsion va moliyaviy hamkorlik hamda madaniy-gumanitar almashinuvni kengaytirishdan tomonlar manfaatdorligi tasdiqlandi.