TOShKENT, 1-avgust — Sputnik. G‘afurjon Muhamedov Toshkent viloyati Chirchiq davlat pedagogika institutiga rektor etib tayinlandi. Bu haqda O‘zbekiston Xalq ta’limi vazirligi xabar berdi.
Muhamedov 1997-2005 yillarda Jizzax davlat pedagogika institutini boshqargan. 2005-yildan Nizomiy nomidagi Toshkent davlat pedagogika institutiga rahbarlik qilgan. 2006-yildan 2015-yilga qadar O‘zbekiston Milliy universitetiga rektor bo‘lgan.
O‘zbekiston prezidenti Toshkent viloyati Chirchiq davlat pedagogika institutini tashkil etish to‘g‘risidagi qarorga shu yilning 27-iyul kuni imzo chekkan.
