TOShKENT, 1-avgust — Sputnik. "O‘zbekiston havo yo‘llari" Milliy aviakompaniyasi "Toshkent – Novosibirsk" yo‘nalishi bo‘yicha parvozlar sonini oshiradi. Bu haqda aviakompaniya matbuot xizmati xabar bermoqda.
Xabarda aytilishicha, "O‘zbekiston havo yo‘llari " MAK tomonidan 2017-yilning 7-28 oktabri davrida A320 havo kemalarining qo‘shimcha reyslari joriy etiladi.
Parvozlar shanba kunlari amalga oshiriladi.
Samolyot Toshkentdan soat 11:10da uchib ketadi va 16:00da Novosibirskka qo‘nadi. Soat 17:30da Novosibirskdan parvoz qiladi va 18:35da Toshkentga qo‘nadi (mahalliy vaqt bilan ko‘rsatilgan).
