TOShKENT, 31-iyul — Sputnik. Instagram ijtimoiy tarmog‘ida O‘zbekiston Bosh vaziri Abdulla Aripovning rasmiy sahifasi faoliyat boshladi, deb xabar qildi "Darakchi".
Mazkur sahifa kuzatuvchilari ayni paytda salkam 10 ming kishini tashkil etadi.
Instagram — rasm va videolarni chop etish, almashish maqsadida foydalaniladigan bepul ijtimoiy tarmoq hisoblanadi. 2013-yilning o‘zida foydanuvchilar tomonidan tarmoqqa 16 mlrd rasmlar yuklangan.
Eslatib o‘tamiz, ilgariroq Mirziyoyev O‘zbekistondagi har bir deputat ijtimoiy tarmoqlarda o‘z akkauntiga ega bo‘lishi lozim degan fikrni bildirgan edi. Bu boradagi ishlarni tashkil etish vazifasi Axborot texnologiyalari va kommunikatsiyalarini rivojlantirish vazirligi rahbari Sh.Shermatovga topshirilgan edi.
Shuningdek, O‘zbekiston prezidenti Shavkat Mirziyoyevning yangi suratlari Facebook tarmog‘ida e’lon qilingan edi.
