TOShKENT, 28-iyul – Sputnik. O‘zbekiston Bosh prokuraturasi tyergov materiallari bo‘yicha, Gulnora Karimova tomonidan davlat va fuqarolar manfaatlariga yetkazilgan zararning umumiy summasi — 1,994 mlrd AQSh Dollarini tashkil qilgan.
Shuningdek, ayni damda, chet mamlakatlarda Gulnora Karimovaga tegishli umumiy qiymati 1,500 mlrd $ dan ortiq bo‘lgan mablag‘lar va mol-mulk aniqlangan.
Xususan,Shveysariyada – 797 mln $, Shvetsiyada – 30 mln $, Buyuk Britaniyada - 35,9 mln $, Fransiyada – 61,4 mln $ Latviyada 27,03 mln $, Irlandiyada – 300 mln $, Maltada – 48,8 mln $, Germaniyada – 2,34 mln $, Ispaniyada —82 ming $, Rossiyada – 6 mln $, Gonkongda – 67 mln $, BAAda —130 mln $.
Shu o‘rinda, aytib o‘tish joizki, bu O‘zbekiston YaIMining 2,9 %ini tashkil qiladi. 2016-yilda O‘zbekiston YaIMi — 67,22 mlrd $ni tashkil qilgan edi. Albatta, ushbu mablag‘lar chet mamlakatlarga olib chiqib ketilmay, O‘zbekiston ichida samarali foydalanilganida, o‘tgan yillar davomida ulardan mamlakat iqtisodiga bir necha barobar ziyod foyda kelgan bo‘lar edi.
