TOShKENT, 16-iyul — Sputnik. Prezident Shakat Mirziyoyev To‘laganovlar xonadonida mehmon bo‘ldi, deb xabar qildi O‘zbekiston Hukumati portali.
"Davlatimiz rahbari Shavkat Mirziyoyev Yunusobod tumanidagi Islomobod mahallasida yashovchi Tohir va Shohista To‘laganovlar xonadonida mehmon bo‘ldi", — deyilgan xabarda.
Xabarda aytilishicha suhbat davomida so‘z mamlakatda amalga oshirilayotgan islohotlar va ularning samaralari, farzandlar tarbiyasi haqida borgan. Oiladagi barcha farzandlar hayotda o‘z o‘rnini topgan.
Oila faxri va farishtasi Shohaydar ota Shoismoilov O‘zbekistonga tinchlik-osoyishtalik, o‘zbek xalqiga yanada farovonlik, Prezidentga sog‘lik-omonlik tilab duo qilgan.
