TOShKENT, 11-iyul — Sputnik. O‘zbekistonda 15-avgustdan 17-avgustga qadar birinchi "Kitoblar dunyosi 2017" xalqaro-ko‘rgazma-yarmarkasi o‘tkaziladi, deb xabar qildi "O‘zekspotsentr" matbuot-xizmati.
Ko‘rgazmada kitob nashriyotiga oid eng so‘nggi yangiliklar va tendensiyalar, shuningdek, tipografiya va polligrafiya mahsulotlari va uskunalar namoyish etiladi.
Bundan tashqari, ko‘rgazma-yarmarka doirasida kitob nashriyoti ishiga, O‘zbekiston adabiyotiga bag‘ishlangan anjumanlar o‘tkaziladi. Shuningdek kitoblar taqdimoti, shoir va yozuvchilar bilan uchrashuvlar hamda hamkorlar va homiylar tomonidan tanlovlar o‘tkazilishi kutilmoqda.
