TOShKENT, 9-iyul — Sputnik. Shavkat Mirziyoyev Namanganda viloyat rahbarlari va faollari bilan uchrashuv o‘tkazdi, deb xabar qilmoqda UzNews nashri.
Bo‘lib o‘tgan kengash davomida, faoliyatining ayrim yo‘nalishlarida xatoga yo‘l qo‘ygan, Namangan shahar hokimi Bahodir Bekxo‘jayevni ishdan olishga qaror qilindi, deyilgan xabarda.
Shuningdek, Namangan viloyati hokimining ishlab chiqarish, kapital qurilish, kommunikatsiyalar va kommunal xo‘jalikni rivojlantirish bo‘yicha o‘rinbosari To‘lqin Dadaboyev ham o‘z lavozimidan ozod etildi.
Namngan shahrining yangi hokimi etib Shavkatjon Abdurazakov tayinlandi. Abdurazzakov oldin O‘zbekiston Vazirlar Mahkamasida Departament rahbari vazifasida ishlab kelgan.
