TOShKENT, 6-iyul — Sputnik. O‘zbekiston prezidenti Shavkat Mirziyoyev Qozog‘iston prezidenti Nursulton Nazarboyevni tug‘ilgan kuni bilan tabrikladi. Bu haqda Qozog‘iston prezidentining rasmiy saytida xabar berildi.
Xabarda aytilishicha, davlat rahbarlarining telefon orqali muloqotida Shavkat Mirziyoyev Qozog‘iston prezidentiga sog‘lik, farovonlik va oliy davlat lavozimida muvaffaqiyatlar tiladi.
"Prezidentlar suhbat davomida ikki tomonlama hamkorlikning holati va istiqbollarini muhokama qildilar hamda kun tartibidagi dolzarb mintaqaviy va xalqaro masalalar bo‘yicha fikr almashdilar", deyiladi xabarda.
Shuningdek, bo‘lajak uchrashuvlar jadvali ham ko‘rib chiqilgan.
