TOShKENT, 5-iyul — Sputnik. Yoshlarni — sadoqatli, vatanparvar, fidoyi qilib tarbiyalash kerak. Hozirgi zamonda yaxshi ta’lim olgan yoshlar kelajakda diplomat ham, uchuvchi ham, boring-ki, o‘zlari xohlagan kasblarni egallashlari mumkin, — dedi yosh yigit tomonidan "men diplomat bo‘la olamanmi" degan savolga javoban O‘zbekiston TIV rahbari Abdulaziz Kamilov.
Vazir, shuningdek, har bir sohaning o‘z qonun-qoidalari borligini va ularga qat’iy amal qilish kerakligini ta’kidlab o‘tdi.
"Ayniqsa, diplomatiya sohasida qonun-qoidalarni buzsangiz, oqibati yomon bo‘lishi mumkin", — dedi vazir.
Kamilov shu o‘rinda jahondagi ayrim mamlakatlarda, aynan diplomatiya qoidalarini bilmaslik oqibatida yuzaga kelgan mojarolarni misol keltirdi.
