TOShKENT, 25-iyun — Sputnik. Farg‘onalik ayol o‘z turmush o‘rtog‘ining qotiliga aylandi, deb xabar qildi O‘zbekiston IIV matbuot-xizmati.
Xabarda aytilishicha, Farg‘ona viloyatining Toshloq tumanida yashovchi, 1965-yilda tug‘ilgan Z.Q uyida oilaviy janjal oqibatida mast xolda bo‘lgan turmush o‘rtog‘i, 1964-yilda tug‘ilgan B.Xni ochiq ayvondan itarib yuborgan. Bu ham yetmaganday pastga yiqilgan vaqtida uning boshiga yog‘och bilan urib jarohat yetkazgan.
Natijada jabrlanuvchi kasalxonaga yotqizilgan. Ammo ko‘rsatilgan tibbiy muolajalarga qaramay B.X shu yerda vafot etgan. Uning ayoli Z.Q ushlangan.
Mazkur holat yuzasidan O‘zbekiston Respublikasi Jinoyat Kodeksining 104-moddasi 3-qismi bilan jinoyat ishi qo‘zg‘atilgan. Tergov harakatlari olib borilmoqda.
Bizning Telegramdagi o‘zbekcha kanalimizga obuna bo‘ling va eng yangi xabarlarni birinchi bo‘lib o‘qing.
