TOSHKENT, 14 iyun — Sputnik. Oʻzbekistonda "Diyor" telekanali va "Toshkent" radiokanali yopiladi, deb xabar bermoqda "Podrobno.uz".
Ushbu kanallardan boʻshagan chastota va mutaxassislar "Oʻzbekiston 24" telekanaliga oʻtadi. Shuningdek, "Axborot" ("Oʻzbekiston" telekanali), "Davr" (Yoshlar" telekanali), "Poytaxt" ("Toshkent" telekanali) informatsion dasturlari ham "Oʻzbekiston 24" telekanali orqali efirga uzatiladi.
Eslatib oʻtamiz, "Oʻzbekiston 24" informatson telekanali yangiliklar dasturlarini namoyish etish uchun maxsus tashkil etilgan boʻlib, kechayu kunduz faoliyat koʻrsatadi. Nomlari keltirilgan dasturlar esa "Oʻzbekiston 24" telekanali ishga tushgunga qadar yuqorida sanab oʻtilgan kanallarda namoyish etiladi.
