TOSHKENT, 14 iyun — Sputnik. Rossiyaning "Mir" teleradiokompaniyasi ijodiy guruhi "Nefrit yoʻli" hujjatli filmini suratga olish maqsadida Oʻzbekiston shaharlari boʻylab safar qildi. Bu haqda Oʻzbekiston turizmni rivojlantirish davlat qoʻmitasi xabar berdi.
Tasvirga olish guruhi dastlab Xiva shahrida mehmon boʻldi. Tashrifdan koʻzlangan maqsad qadimiy Markaziy Osiyo shaharlaridan biri Xiva shahri haqidagi epizodni suratga olishdan iborat edi.
Tasvirga olish ishlari "Ichan qalʼa" davlat muzey qoʻriqxonasi obʼyektlari "Koʻhna ark", "Oq Shayx" bobo, "Juma" masjidi, "Tosh hovli", "Olloqulixon" madrasalarida olib borildi.
Shuningdek, tashrif doirasida, milliy taomlar koʻrgazmasi namoyish etildi. Shu bilan birga milliy folklor guruhlari oʻz chiqishlari bilan tasvirga olish guruhiga manzur boʻldi.
"Mir" teleradiokompaniyasi ijodkorlari Xivadan Margʻilon shahriga yoʻl olishdi.
