TOShKENT, 13-iyun — Sputnik. Kuni kecha O‘zbekiston prezidenti Shavkat Mirziyoyev kengaytirilgan videoselektor yig‘ilishida Samarqand viloyati hokimi Himmat Oqbo‘tayevni o‘z vazifasidan ozod qilgan edi.
Bugun olingan xabarga ko‘ra, Samarqand viloyati hokimi vazifasini bajaruvchi etib Turobjon Jo‘rayev tayinlangan.
Bu haqda Sputnik O‘zbekiston muxbiriga hokimlik matbuot-xizmati vakili xabar qildi.
Turobjon Jo‘rayev 2000-2004 yillarda O‘zbekiston Respublikasi Moliya vazirining o‘rinbosari, 2004-2008 yillarda Xalq ta’limi vaziri, 2008-2011 yillarda Surxondaryo viloyati hokimi, 2011-2013 yillarda esa Qashqadaryo viloyati hokimi lavozimlarida faoliyat yuritgan.
2017 yilning 17-aprelida Jo‘rayev Bekobod tumaniga hokim etib tayinlangan edi.
Bizning Telegramdagi o‘zbekcha kanalimizga obuna bo‘ling va eng yangi xabarlarni birinchi bo‘lib o‘qing.
