TOShKENT, 8-iyun — Sputnik. Brusselda NATO sammiti o‘tkazilishidan avval Sputnik Mneniya tadqiqoti natijalariga ko‘ra, Buyuk Britaniya va Fransiya aholisi NATO budjeti uchun to‘lovlar oshirilishini qo‘llab-quvvatlamoqda, lekin Germaniya va Italiya aholisi bunga qarshi ekanligi ma’lum bo‘ldi.
Mazkur masalada o‘tkazilgan so‘rov natijalariga ko‘ra, 50 %dan ortiq britaniyaliklar va 44 %dan ortiq fransiyaliklar mudofaa xarajatlari uchun YaIMning 2 %igacha mablag‘ ajratilishini to‘g‘ri deb hisoblaganlar.
Italiya (53 %) va Germaniyada esa aksincha, so‘rovda ishtirok etganlarning aksariyati harbiy xarajatlar o‘sishini ma’qullamagan: italiyaliklarning 53 va germaniyaliklarning 47% aholisi bunga qarshi ekanliklarini bildirishgan.
Fransiyaning jamoatchilik fikrini o‘rganuvchi IFop kompaniyasi tomonidan 2017-yil 21-25 aprel kunlari o‘tkazilgan tadqiqotda 3 203 kishi ishtirok etdi.
Eslatib o‘tamiz, 25-may kuni Brussel shahrida NATOga a’zo davlatlar mudofaa xarajatlari uchun to‘lovni YaIMning 2 %igacha oshirish bo‘yicha yillik rejatuzishga kelishib olishgandi. Hozircha NATOga a’zo 28 davlatdan faqatgina 5 tasi (AQSh, Buyuk Britaniya, Gretsiya, Polsha, Estoniya) shu miqdorda to‘lov to‘lamoqda.
