TOShKENT, 23-may — Sputnik. O‘zbekiston arxeologiya instituti va Xitoy ijtimoiy fanlar akademiyasi arxeologiya instituti olimlari Mingtepa shaharchasidagi ikki yillik qazishma ishlari natijasida Monako davlati bilan teng — maydoni 2 kvadrat kilometrlik qadimiy shaharni topishdi.
Bu haqda Dailysabah nashriga tayanib Nuz.uz xabar berdi.
Shaharda shuningdek, maqbara va ustaxona qoldiqlari topilgan.
Arxeologlar ushbu shaharni Buyuk ipak yo‘lidagi zotdor otlari va bekatlari bilan mashhur bo‘lgan Dayyuan davlati bilan bog‘liq muhim aholi punkti deb atashmoqda.
Andijon viloyatining Marhamat tumani hududida joylashgan Mingtepa shahri qadimiy Dovon mamlakatining poytaxti bo‘lgan. O‘zbekiston va Xitoy olimlari bir necha yillardan buyon mazkur qadimiy shaharda qazuv ishlarini olib borishmoqda.
Bizning Telegramdagi o‘zbekcha kanalimizga obuna bo‘ling va eng yangi xabarlarni birinchi bo‘lib o‘qing.
