Samarqandda Imom Buxoriy xalqaro ilmiy-tadqiqot markazi tashkil qilinadi

© press-service.uzVstrecha Mirziyoyeva s glavoy IBR
Vstrecha Mirziyoyeva s glavoy IBR - Sputnik O‘zbekiston
Obuna bo‘lish
Shavkat Mirziyoyev boshchiligidagi O‘zbekiston hukumati delegatsiyasi Saudiya Arabistonida Islom Taraqqiyot banki bilan Samarqandda Imom Buxoriy xalqaro ilmiy-tadqiqot markazi tashkil qilish haqida anglashuv memorandumi imzolashdi.

TOShKENT, 21-may – Sputnik. O‘zbekiston prezidenti Shavkat Mirziyoyev Saudiya Arabistoniga tashrifi davomida Islom taraqqiyot banki Prezidenti Bandar Hajar bilan uchrashdi, deb xabar qilmoqda prezident matbuot xizmati.

Bo‘lib o‘tgan muzokaralarda Samarqanddagi Imom Buxoriy yodgorlik majmui huzurida insoniyat taraqqiyotiga benazir hissa qo‘shgan Imom Buxoriy va boshqa buyuk o‘zbek mutaffakirlarining boy diniy-ma’naviy merosini o‘rganishga ixtisoslashgan xalqaro ilmiy tadqiqotlar markazini tashkil etishda ITBning ishtiroki yuzasidan fikr almashildi.

Muzokaralar yakunida O‘zbekiston hukumati va Islom taraqqiyot banki o‘rtasida Imom Buxoriy xalqaro ilmiy-tadqiqot markazini tuzish to‘g‘risida Anglashuv memorandumi imzolandi.

Uchrashuvda shuningdek, O‘zbekiston va ITB o‘rtasidagi munosabatlar izchil rivojlanib borayotgani, tomonlar ijtimoiy-iqtisodiy yo‘nalishdagi loyihalarni ishlab chiqish va amalga oshirish borasida keng ko‘lamli hamkorlik qilayotgani ta’kidlandi.

Xususan, Islom taraqqiyot banki tomonidan O‘zbekistonda sog‘liqni saqlash, ta’lim, irrigatsiya va melioratsiya, energetika, suv ta’minoti, kommunal xo‘jalik, yo‘l infratuzilmalarini rivojlantirish, kichik biznesni qo‘llab-quvvatlash kabi sohalarga mablag‘ ajratilayotgani bunga misol bo‘lishi mumkin.

© tolgolImom Al-Buxoriy majmuasi
Kompleks Imam Al-Buxari - Sputnik O‘zbekiston
Imom Al-Buxoriy majmuasi

 

 

Yangiliklar lentasi
0