TOShKENT, 17-may — Sputnik. "O‘zbektelekom" AK bosh ofisida kompaniya rahbariyati va mutaxassislarining Google Global Cache (GGC) kompaniyasi vakillari bilan ish yuzasidan uchrashuvi o‘tkazildi.
Google vakillari Deyv Shvars va Yan Kliri "O‘zbektelekom" AK texnologik maydonida GGC uskunalarini o‘rnatish orqali O‘zbekiston foydalanuvchilari uchun Google servislari sifatining yaxshilanishi imkoniyatlarini namoyish etdilar, deb xabar beradi “O‘zbektelekom” matbuot xizmati.
Uchrashuv yakunida tomonlar o‘zaro manfaatli hamkorlik o‘rnatish bo‘yicha kelishib oldilar.
"O‘zbektelekom" AK tarmog‘ida GGC bog‘lamali CDNning ishga tushirilishi O‘zbekiston foydalanuvchilari uchun Google servislarining sifatini sezilarli darajada oshiradi.
Bizning Telegramdagi o‘zbekcha kanalimizga obuna bo‘ling va eng yangi xabarlarni birinchi bo‘lib o‘qing.
