TOShKENT, 11-may — Sputnik. O‘zbekiston San’at akademiyasi O‘zbekistonning Birinchi Prezidenti Islom Karimovning eng yaxshi portreti uchun tanlov e’lon qildi.
Tanlov shartiga ko‘ra, unda professional rassomlar ishtirok etishlari mumkin. Rasmlarning o‘lchamlari erkin tanlanadi.
Tayyor ishlar shu yilning 31-iyuliga qadar Toshkent shahri, Istiqbol ko‘chasi, 4-uyda joylashgan Toshkent fotografiya uyida qabul qilinadi.
Tanlov g‘oliblari O‘zbekiston San’at akademiyasining mukofotlari bilan taqdirlanadi.
Ilgariroq Islom Karimovning haykalini yaratish bo‘yicha tanlov e’lon qilingan va unda haykaltarosh Ilhom Jabborov g‘olib bo‘lgandi.
Bizning Telegramdagi o‘zbekcha kanalimizga obuna bo‘ling va eng yangi xabarlarni birinchi bo‘lib o‘qing.
