TOShKENT, 10-maya — Sputnik. Xalqaro Olimpiada qo‘mitasi (XOQ) o‘tkazgan qayta tekshiruvdan keyin 2008 va 2012-yilgi Olimpiada o‘yinlari medalistlari analizlaridan 63 ta sportchidan doping topilgan, deb xabar qilmoqda NRK.
XOK matbuot kotibi Alen Lyunserfixter aytishiga qaraganda, tekshirilgan analizlarning 182 tasida doping borligi aniqlangan. Ushbu sportchilar 19 mamlakat vakillaridir: Rossiya, Belorussiya, Baxreyn, Xorvatiya, Turkiya, Armaniston, Ozarbayjon, Qozog‘iston, Moldaviya, Ukraina, Gruziya, O‘zbekiston, Yamayka, Xitoy, Yunoniston, Ispaniya, Kuba, Germaniya va Qatar.
XOK xabariga ko‘ra, 2017-yilning 24-aprel holatiga 111 nafar sportchiga nisbatan sanksiyalar qo‘llanilgan. Ulardan 65 nafari 2008-yil Olimpiada ishtirokchilari va 46 nafari 2012 yil Olimpiada ishtirokchilari.
Doping topilgan sportchilardan 61 nafari Olimpiada o‘yinlari medalllari sohiblari.
