TOShKENT, 7-may — Sputnik. Shanba kuni kunduzi boshlangan kuchli yomg‘ir Toshkent shahridagi ko‘cha va yo‘laklarning suv bilan to‘lishiga sabab bo‘ldi, deb xabar bermoqda Sputnik muxbiri.
Poytaxtdagi 20dan ortiq yirik yo‘llar butkul suv ostida qoldi.
Bunday hodisa 2014-yilning may oyida sodir bo‘lgandi. O‘shanda 16 soatga yaqin tinmay yomg‘ir yog‘ishi natijasida Toshkentdagi ko‘plab ko‘chalar ko‘l va irmoqlarga aylangandi. Sinoptiklarning aytishlaricha, bunday tinimsiz jala quyishi 5-7 yilda bir sodir bo‘larkan.
Mamlakatda bunday holat so‘nggi marta 1998-yil may-iyuni va 2010-yil iyunda kuzatilgan.
Gidrometeorologiya markazining xabariga qaraganda, 7 va 8-may kunlari ham yog‘ingarchilik bo‘lishi kutilmoqda.
Bizning Telegramdagi o‘zbekcha kanalimizga obuna bo‘ling va eng yangi xabarlarni birinchi bo‘lib o‘qing.
