TOShKENT, 2-may — Sputnik. Muhammad al Xorazmiy nomidagi Toshkent davlat axborot texnologiyalari universiteti talabasi Feruz Muyassarov "IT-planeta 2016/17" xalqaro olimpiadasi finaliga chiqdi.
Muyassarov "Telekommunikatsion texnologiyalar" fakultetida tahsil oladi. U saralash bosqichidan muvaffaqiyatli o‘tdi. Bu haqda tashkilotchilarning rasmiy saytida ma’lum qilindi. Olimpiadada dunyoning 12 mamlakatidan 17 mingdan ortiq talaba va yosh IT mutaxassislari qatnashdi. Ulardan bir yarim ming nafari keyingi bosqichga chiqdi.
Finalda 370 ishtirokchi 15 nominatsiya bo‘yicha musobaqalashadi. Final bosqichi 2-5 iyun kunlari Sochida bo‘lib o‘tadi.
Finalda musobaqalardan tashqari, ishtirokchilar master-klass va ma’ruzalarda, Olimpiada obyektlari bo‘yicha qiziqarli bahslarda qatnashishlari, hudud tabiati va tarixi bilan tanishishlari mumkin bo‘ladi.
Bizning Telegramdagi o‘zbekcha kanalimizga obuna bo‘ling va eng yangi xabarlarni birinchi bo‘lib o‘qing.