TOShKENT, 28 apr — Sputnik. "Global Firepower" portali jahonning harbiy salohiyati kuchli mamlakatlar reytingini e’lon qildi. Reytingdagi dastlabki beshlikdan AQSh, Rossiya, Xitoy, Hindiston va Fransiya o‘rin oldi.
Reytingga jami bo‘lib 127 mamlakat kiritilgan.
O‘zbekiston milliy armiyasi Markaziy Osiyoda birinchi o‘rinni qo‘lga kiritdi. Jahon mamlakatlari orasida esa 48-o‘rinda qayd etildi.
O‘zbekiston MDH davlatlari orasida Rossiya va Ukrainadan keyin 3-o‘rinni egallagan.
Reytingda yadro qurollari va mamlakatning siyosiy-harbiy yetakchiligi hisobga olinmagan.
Bizning Telegramdagi o‘zbekcha kanalimizga obuna bo‘ling va eng yangi xabarlarni birinchi bo‘lib o‘qing.
