Qozog‘istonda suv toshqini: ortiqcha suvlar O‘zbekistonga yo‘naltirilishi mumkin

TOShKENT, 19 apr — Sputnik. 16 aprel kuni Sharik darosiga quyiladigan Jembarak darosining to‘lib-toshishi natijasida Ruzayevka qishlog‘ida suv sathining favqulodda tez ko‘tarilishi holati kuzatilgan. Oqibatda 185 ta uyni suv bosgan. Zudlik bilan evakuatsiya ishlari amalga oshirilgan, deb xabar qilmoqda Sputnik Qozog‘iston.

15 aprel kuni esa Qozog‘istonning Akmolin viloyati Otbosar shahrida favqulodda holat yuzaga kela boshlagan — shahar oldidan oqib o‘tuvvchi Jabay darosi himoya to‘g‘oni yuvib ketila boshlagan. Vaziyat o‘ta og‘ir bo‘lgani uchun hududga qo‘shimcha kuchlar yo‘naltirilgan.

So‘nggi xabarlarga ko‘ra, suv toshqini Ostonagacha yetib kelishi mumkin. OAVlarda berilayotgan xabarlarga ko‘ra, O‘zbekiston tomon Qozog‘iston hududida joylashgan suv omborlaridagi ortiqcha suvlarni qabul qilishga tayyorligini bildirgan.

Qozog‘iston Bosh vaziri Bakitjan Sagintayev favqulodda kengash davomida hukumat a’zolariga tabiiy ofatlarga oldindan tayyorgarlik ko‘rish topshirig‘ini bergan. Vazirlar mahkamasi rahbari mamlakatda ro‘y bergan hodisa — hukumat tomonidan yo‘l qo‘yilgan xato natijasi ekanligini ta’kidlagan.