TOShKENT, 15 apr — Sputnik. O‘zbekiston prezidenti Shavkat Mirziyoyev Samarqand viloyatiga tashrifi chog‘ida kuzgi-qishki mavsumda kartoshka taqchilligiga barham beradigan loyiha bilan tanishdi. Bu haqda "Kun.uz" xabar bermoqda.
"Viloyatda "Sharq" konserni taklifiga binoan kartoshka yetishtirish Ilmiy markazi tashkil etiladi. Uning har bir viloyatda Fanlar akademiyasi, "Sharq" konserni hamda agronomlardan iborat bo‘limlari va laboratoriyalari faoliyatini ham yo‘lga qo‘yish kerak.
Bu kichik masala emas. Bu nondir. Dunyoda inqiroz ketayapti. Kafolatlangan budjet negizida mana shu narsa yotadi. Bu innovatsiyadir", — degan davlat rahbari.
