TOShKENT, 31 mar — Sputnik. Odatda kommunal xizmatlar uchun tariflar bir yilda ikki marta — 1-aprel va 1-oktabrda oshadi. Lekin bu yil narxlar oshishi kutilmayapti, deb xabar beradi NUZ.UZ.
Xabarda aytilishicha, aholiga kommunal xizmatlar ko‘rsatish bilan shug‘ullanuvchi korxonalar narxlar oshmasligini bildirgan.
Muxbirning narxlar qachon oshishi mumkinligi haqidagi savoliga ular ehtimol oktabrgacha oshmasligi mumkinligini aytishgan.
Har qanday holatda ham tarif narxlari oshishi haqida kamida ikki hafta oldin xabar qilinadi.
