TOShKENT, 25 mar — Sputnik. Kecha toshkentda yangi ko‘prik foydalanishga topshirildi, uning ochilish marosimida O‘zbekiston prezidenti Shavkat Mirziyoyev ishtirok etdi, deb xabar qilmoqda Sputnik muxbiri.
Ko‘prikning uzunligi 423 metr, balandligi 5,5 metr va kengligi 33 metr. Ko‘prik Yunusoboddagi Yangi shahar va Bog‘ishamol ko‘chalarini tutashtirdi. Ko‘prikning asosiy vazifasi Toshkent halqa yo‘li va Amir Temur shoh ko‘chasidan o‘tgan transpor oqimini kamaytirish.
Shavkat Mirziyoyev aytishiga qaraganda yangi ko‘prik Yunus-Obod va Mirzo Ulug‘bek tumanlarini birlashtiruvchi transport arteriyalarini bir biriga ulaydi. Bu esa poytaxt uchun juda muhim, chunki oldin bir tumandan ikkinchi tumanga borish uchun 20 kilometr masofa bosib o‘ish kerak bo‘lar edi.
“Bunday keng ko‘lamli va ezgu ishlar tufayli poytaxtimiz yo‘llarining xizmat ko‘rsatish sifati va samaradorligi tubdan yaxshilanmoqda. Mazkur yangi ko‘prik avtomobillarning o‘tish imkoniyatlarini bir necha marta oshirish barobarida aholiga bir qancha qulayliklar yaratadi. Mana shunday zamonaviy ko‘prikning qisqa vaqtda barpo etilgani mamlakatimizning jadal rivojlanib borayotgani, xalqimiz ulkan yutuq va marralarga erishayotganidan dalolatdir”, — dedi Shavkat Mirziyoyev ko‘prik ochilish marosimida.
Yangi ko‘prik ustida avtomobil harakati uchun 8 qator yo‘lak, ko‘prikning ikki chetida piyodalar qulayligi chun keng yo‘laklar barpo etilgan. Ko‘pri katrofidagi maydonlar obodonlashtirilgan, avtobus bekatlari qurilgan va yer osti piyodalar yo‘lagi ham barpo etilgan.
