TOShKENT, 21 mar — Sputnik. Bugun bahorning eng go‘zal va latofatli bayramlaridan biri bo‘lgan Navro‘zi olam nishonlanmoqda.
Quvonarlisi, ushbu ayyom boshqa yurtlarda istiqomat qilayotgan o‘zbeklar tomonidan ham keng bayram qilinmoqda.
Ijtimoiy tarmoqlarda AQShning Los-Anjeles shahrida, Gollivudda ushbu ayyom o‘ziga xos tarzda nishonlangani tasvirlangan videorolik tarqaldi.
Unda bir guruh o‘zbek san’atkorlari, jumladan Otabek Madrahimov, Feruza Latipova va boshqalarning Gollivud vodiysida sho‘x tarona kuylab, raqsga tushayotganlari aks etgan.
