TOShKENT, 14 mar — Sputnik. Shanxay universitetida o‘zbek shoiri va mutaffakiri Alisher Navoiy haykali o‘rnatildi, deb xabar qilmoqda Podrobno.UZ nashri.
Ushbu yodgorlik O‘zbekiston va Xitoy orasida diplomatik munosabatlar o‘rnatilganining 25-yilligi sharafiga ochildi.
Bronza haykalining balandligi 3,6 metrni, haykal tagkursisi balandligi 1,8 metrni tashkil qildi. Haykal chizmasi o‘zbekistonlik haykaltarosh Ravshan Mirtojiyev tomonidan yaratilgan. Xitoylik haykaltaroshlar esa uni bronzada mujassamlashtirishgan.
Haykal og‘irligi 3 tonnani tashkil etadi. Eslatib o‘tamiz, bundan 4yil oldin, 2013-yilda Shanxay universiteti bog‘ida ushbu yodgorlik poydevoriga birinchi tosh qo‘yilgan edi.
