TOShKENT, 6 fev — Sputnik. O‘zbekiston va Turkmaniston rahbarlari o‘rtasida bo‘lib o‘tgan muzokaralardan so‘ng oliy darajadagi ikkiyoqlama hujjat imzolash tadbiri o‘tkazildi, deb xabar qilmoqda Turkmaniston bugun axborot agentligi.
Turkmaniston prezidenti Gurbanguli Berdimuhammedov va O‘zbekiston prezidenti Shavkat Mirziyoyev qo‘shma bayonot asosida ikki mamlakat o‘rtasida Strategik sherikchilik to‘g‘risidagi shartnomani imzoladi.
Shuningdek, prezidentlar guvohligida 2018—2020 yillarga mo‘ljallangan Iqtisodiy hamkorlik to‘g‘risidagi shartnoma, Temiryo‘l transporti sohasidagi hamkorlikni rivojlantirish to‘g‘risidagi memorandum, Madaniy-gumanitar sohada 2017—2019 yillarga mo‘ljallangan hukumatlararo hamkorlik dasturi va Tashqi ishlar vazirliklari o‘rtasida 2017—2018 yillarga mo‘ljallangan hamkorlik dasturi imzolangan.
Turkmaniston Temiryo‘l transporti vazirligi, Qishloq va suv xo‘jaligi vazirligi hamda "Turkmanximiya" davlat konserni O‘zbekiston korxona va tashkilotlari bilan bitimlar imzoladi.
