TOShKENT, 8 fev — Sputnik. Rossiyaning O‘zbekistondagi elchisi Vladimir Turdenev diplomatlar kasb bayrami munosabati bilan bayonot qildi, elchixona matbuot xizmati xabariga asosan.
O‘zbekiston va Rossiya munosabatlari asosida birgalikda kechgan boy tarix va xalqlarni bog‘lab turgan minglab rishtalar yotadi, — dedi Rossiya elchisi.
Turdenevning so‘zlariga qaraganda, Rossiya va O‘zbekiston hamkorligining qalbi – bu ikki mamlakat xalqidir. Ularning ikkisi ham ma’naviy va madaniy aloqalarga yuksak baho beradi. Ushbu munosabatlar ko‘p yillik o‘zaro hurmat, do‘stlik va bir-biriga yordam berish prinsiplari asosida qurilgan.
“Bizning tashqi siyosatimiz, har bir mamlakat bilan — u istagan va tayyor bo‘lgan darajada – to‘laqonli do‘stona suhbat olib borishga qaratilgan,”- dedi Vladimir Turdenev.
Eslatib o‘tamiz, ushbu yilning mart oyida Rossiya Federatsiyasi va O‘zbekiston diplomatik munosabatlar o‘rnatganining 25-yilligi nishonlanadi.
O‘zbekiston va Rossiya orasida bugungi kunda ko‘plab shartnomalar imzolangan. Hamkorlik va ittifoqchilik haqidagi xalqaro shartnomalar siyosiy suhbatning mustahkam poydevoridir.
