TOShKENT, 7 fev — Sputnik. Joriy yilning oxiriga qadar Qoraqalpog‘iston poytaxti Nukusda tibbiyot mahsulotlari ishlab chiqaruvchi yangi korxona ishga tushadi deb xabar qilmoqda kruz.uz sahifasi.
Yangi korxona tayyor mahsulotlar va komplektlovchi buyumlar ishlab chiqarishni lokalizatsiyalash dasturi asosida qurilmoqda. Ushbu dastur asosida 2017-2020 yillar Qoraqalpog‘iston hududida 4 loyihani amalga oshirish belgilangan. Bu haqida Xalq deputatlari Nukus shahri Kengashining XIII sessiyasida ma’lum qilindi.
Ushbu loyihalardan birinchi bo‘lib "Nukusmedtex" MChJda yiliga 30 million dona tibbiyotda qo‘llaniladigan bir martalik shprislar ishlab chiqaradigan loyihani ishga tushiradi.
