TOShKENT, 6 fev — Sputnik. Toshkentda TTZ — "Do‘stlik" metrosi yo‘nalishida qatnovchi "Isuzu" avtobusi sirpanchiq yo‘lda ag‘darilib ketdi, deb xabar bermoqda nuz.uz.
Hodisa poytaxtning Yashnobod tumanida sodir bo‘ldi. Aviasozlar ko‘chasida ketayotgan avtobus ariqqa tushgan va yonboshlab qolgan. "Voditeli Tashkenta" guruhi a’zolari ushbu hodisa fotosuratlarini internetga joylagan.
Dastlabki ma’lumotlarga ko‘ra, YTH oqibatida hech kim jabrlanmagan. Voqea guvohlari hodisaga yo‘ldagi muzlama sabab bo‘lgan deb hisoblashmoqda.
