Farg‘onada tuyaqush boqilyapti

© Sputnik / Andrey Aleksandrov / Mediabankka o‘tishTuyaqush fermasi
Tuyaqush fermasi - Sputnik O‘zbekiston
Obuna bo‘lish
Tuyaqushlarning o‘rtacha tuxum qo‘yish yoshi 10-15 yil, zotdor tuyaqushlar 40-yil davomida tuxum qo‘yaveradi. Bitta tuyaqush 10-12 yil davomida qo‘ygan tuxumdan chiqqan jo‘ja go‘shti o‘rtacha 72 tonnaga yetishi mumkin

TOShKENT, 3 fev — Sputnik. Farg‘ona viloyati Rishton tumanidagi "STRAUS FARM" O‘zbekiston — Buyuk Britaniya qo‘shma korxonasida mahalliy sharoitda tuyaqush boqish yo‘lga qo‘yilgan bo‘lib, ayni kunlarda yuqori iqtisodiy samaradorlikka erishilmoqda, deb xabar bergan vodiymedia.uz.

Jo‘jalar - Sputnik O‘zbekiston
Xivada har bir xonadonga 100 tadan jo‘ja tarqatilishi mumkin
O‘tgan yili tashkil etilgan mazkur korxonaga 306 ming dollar evaziga xorijdan 200 bosh Afrika tuyaqushi keltirilib, zamonaviy inkubatorlar tashkil etilgan va tuyaqush jo‘jalarini ochirish yo‘lga qo‘yilgan edi. 16 gektarga yaqin yer ajratilib, tuyaqush boqish uchun kerakli maydon va o‘tloqlar barpo etildi.

Ayni paytda bu yerda 120-150 kilogramm vaznga ega va yiliga 80-100 donadan jo‘ja ochadigan tuyaqushlar parvarishlanmoqda. Bahor oylaridan tuyaqush jo‘jalarini ochirish boshlanadi.

Mutaxassislarning ta’kidlashicha, tuyaqush 4-yilda reproduktiv yoshga yetadi va parrandachilikda bunday qushlar "Brider" deb yuritiladi. Ularning o‘rtacha tuxum qo‘yish yoshi 10-15 yil, zotdor tuyaqushlar 40-yil davomida tuxum qo‘yaveradi. Bitta tuyaqush 10-12 yil davomida qo‘ygan tuxumdan chiqqan jo‘ja go‘shti o‘rtacha 72 tonnaga yetishi mumkin. Tuyaqush boqishni yo‘lga qo‘yish oilalar uchun ham qulay va daromadli bizneslardan biridir.

Yangiliklar lentasi
0