O‘zbek armiyasiga chaqiruv yangi qoidalar asosida o‘tadi

TOShKENT, 24 dek — Sputnik. Yaqinda Shavkat Mirziyoyev qarori bilan e’lon qilingan armiyaga chaqiruv yangi qoidalar asosida o‘tadi, deb xabar qilgan O‘zbekiston Mudofaa vazirligi vakili Sputnik O‘zbekiston muxbiriga bo‘lib o‘tgan matbuot-anjumani davomida.

2016 yilning may oyida Mudofaa vazirligi hamda Vazirlar Mahkamasi huzuridagi Davlat test markazi hamkorligida Muddatli harbiy xizmatga chaqirilayotgan chaqiriluvchilar tanlovini o‘tkazish tartibi to‘g‘risidagi nizomni tayyorlagan edilar. Mazkur Nizom tegishli idoralar bilan kelishilgan holda, iyul oyida Adliya vazirligida ro‘yxatga olingan.

"Mazkur nizomga muvofiq, chaqiriluvchilarning umumjismoniy tayyorgarligini aniqlash bo‘yicha sinovlar 25-sentabrdan kelgusi yilning 15-yanvarigacha mudofaa organlari tomonidan, ularning bilim darajasini aniqlash bo‘yicha test sinovlari esa 10-oktabrdan kelgusi yilning 15-yanvarigacha Davlat test markazi tomonidan o‘tkaziladi.chaqiriluvchilarning jismoniy tayyorgarligini tekshirish endilikda 25-sentabrdan 15-yanvarga qadar o‘tkaziladi. Shuningdek, tanlovni o‘tkazish uchun rezerv kunlar ham belgilangan, ular 16-21 yanvar kunlaridir", — deb ta’kidlagan suhbatdosh.

"Tanlov ishtirokchilari test topshiriqlarini bajarib bo‘lishgach, Davlat test markazi ularning javoblari asosida o‘rtacha ballni chiqaradi, va bu armiya safidan o‘rin olishning o‘ziga xos plankasi sifatida xizmat qiladi. O‘rta balldan yuqori ball olganlar xizmatga ro‘yxatdan o‘tkaziladi", — deb ta’kidlagan suhbatdosh.

Xabarga ko‘ra, chaqiriluvchi o‘z xizmat joyi va qo‘shin turini mustaqil tanlash huquqiga ega bo‘lmaydi. Bu masalani Chaqiruv komissiyasi hal qiladi. Ta’kidlanishicha, komissiya harbiy xizmatga chaqiriluvchining testlardan olgan ballari, sog‘lig‘i holati, jismoniy ko‘rsatkichlari va oilaviy ahvolidan kelib chiqqan holda qaror qabul qiladi.