Rossiya Tojikiston bilan aviaparvozlarni to‘xtatdi

© Flickr / Lars SteffensTojikistonning "Somon Air" aviakompaniyasi
Tojikistonning Somon Air aviakompaniyasi - Sputnik O‘zbekiston
Obuna bo‘lish
Rossiya va Tojikiston Transport vazirliklari amaldorlari "Yamal" aviakompaniyasining Tojikistonga amalga oshirishi kerak bo‘lgan reyslari borasida kelishuv imzolay olmadilar. Bunga javoban Rossiya Tojikistonning "Somon Eyr" aviakompaniyasiga 23-dekabr 00.00dan boshlab o‘z shaharlariga aviatashuvlarni amalga oshirishni ta’qiqladi

TOShKENT, 23 dek — Sputnik. Rossiya va Tojikiston Transport vazirligi vakillarining Moskva shahrida o‘tkazilgan muzokaralari muvaffaqiyatsiz yakunlandi, deb xabar qilmoqda Sputnik Tojikiston.

Samolyot - Sputnik O‘zbekiston
Rossiya Tojikistonga aviaparvozlarni to‘xtatib qo‘yish bilan po‘pisa qildi
Xabarga ko‘ra, endilikda Rossiyaning "Yamal" aviakompaniyasi samolyotlari "Jukovskiy" aeroportidan Tojikistonga parvozlarni amalga oshirmaydi. Tojikiston hukumati bunga Rossiya tomonning parvozlardagi tenglik kelishuvini buzganini sabab qilib ko‘rsatmoqda.

Tojikistonning bu harakatiga javoban Rossiya "Somon Eyr" aviakompaniyasiga Rossiya shaharlariga parvozlarni amalga oshirishni ta’qiqladi. Ammo ushbu ta’qiq Moskva va Sankt-peterburg shaharlariga amal qilmaydi.

Sputnik Tojikiston xabariga ko‘ra, bugun Tojikiston Trasport vazirligining bir guruh delegatsiyasi Moskvaga tashrif buyurgan. Ular Moskva tomonga ushbu nizoda o‘z pozitsiyalarini tushuntirmoqchi, deb yozgan nashr.

Ilgariroq, agar Tojikiston "Yamal"ga aviareyslarni amalga oshirishga ruxsat bermasa, Rossiya 22-dekabrdan boshlab "Somon Eyr"ga o‘z shaharlariga aviaparvozlarni amalga oshirishni ta’qiqlashi haqida xabar berilgan edi.

Ma’lumotlarga ko‘ra, 22-dekabrga o‘tar kechasi ushbu ta’qiq o‘z kuchiga kirishi kerak edi, ammo Tojikiston hukumati "Yamal" chipta xarid qilgan yo‘lovchilarni mamlakatga yetkazishi uchun kompaniyaga bitta reysni amalga oshirishga ruxsat bergan.

Ural aviayo‘llari samolyoti - Sputnik O‘zbekiston
O‘zbekistonga arzon aviareyslar qatnovi amalga oshiriladi
Xabarda aytilishicha, "Yamal" hali Tojikistonga parvozlarni amalga oshirishga ruxsat olmay turib chiptalar sotuvini yo‘lga qo‘yganligi Tojikiston hukumatining keskin noroziligini keltirib chiqargan.

"Bugun oqshomga qadar, balki erta ertalabgacha parvozlarga qo‘yilgan ta’qiq, ehtimol, olib tashlanar. Axir bundan o‘z vataniga qaytish imkonidan mahrum bo‘lgan yuz minglab migrantlar zarar ko‘rmoqda", — deb yozadi nashr.

Ayni vaqtda Tojikistondan Rossiyaga faqat bitta kompaniya parvozlarni amalga oshirmoqda — bu "Tojik Eyr" davlat aviakompaniyasi.

Yangiliklar lentasi
0