TOShKENT, 23 dek — Sputnik. Putin mansabdorlarni kamtarroq bo‘lishga da’vat qilar ekan, "qanday davlatda yashayotganlikni tushunish, anglash kerak", — deya ta’kidladi.
Vladimir Putin shuningdek, jurnalistlarni odamlarning shaxsiy hayotiga suqilmaslikka chaqirdi. Rossiya rahbari unga bu borada ko‘plab shikoyatlar kelib tushayotganini aytdi. "OAV bizlarga bosim o‘tkazmoqda" deyiladi aksariyat arznomalarda, shu bois sizlarni ehtiyotkorroq bo‘lishga chaqiraman", — dedi u.
Rossiya va Xitoy munosabatlari haqidagi savolga javob berar ekan, Putin ularni "o‘ta yuqori" deb baholadi. "Xalqaro sahnada ko‘plab masalalar yuzasidan qarashlarimiz umumiydir", deb ta’kidladi Rossiya prezidenti.
Putindan shuningdek, shu yil mobaynida yo‘l qo‘ygan xatosi haqida ham so‘rashdi. Rossiya prezidenti bu savolga: "Yo‘l qo‘ygan xatodan tegishli xulosa chiqarib, kelajakda samarali ishlash muhim" deya javob qaytardi.
Rossiya prezidenti oxirgi savoldan so‘ng "Bo‘ldi! Matbuot-anjumani tugadi", — deya yakunladi va zalni tark etdi.
