TOShKENT, 19 dek — Sputnik. O‘zbekiston terma jamoasi sotsialistik mehnat qahramoni Farman Kurban o‘g‘li Salmanov xotirasiga bag‘ishlab 14-18 dekabr kunlari o‘tkazilgan boks bo‘yicha neft mamlakatlari XIV jahon kubogidan medallar bilan qaytishdi, deb xabar beradi O‘zbekiston boks federatsiyasi.
Iqboljon Xoldarov 64 kilogrammgacha vazn toifasida finalda rossiyalik Aleksey Mazur ustidan ishonchli g‘alabaga erishdi.
75 kilogrammgacha vazn toifasida esa Isroil Madrimov rossiyalik Aleksandr Agafonovdan ustun keldi.
49 kilogrammgacha vazn toifasida ishtirok etgan Mironshoh Ibragimov kumush medalga sazovor bo‘ldi. Mirazizbek Mirzaxalilov (56 kggacha) va Ulug‘bek Mubinov (91 kgdan ortiq) bronza medallarini qo‘lga kiritishdi.
Turnirda 10 vazn toifasida Osiyo va Yevropaning 14 mamlakatidan 130dan ortiq sportchilar ishtirok etishdi.
