TOShKENT, 14 dek — Sputnik. Saxarovada joylashgan Migratsiya markazi tugallanayotgan yilning 31-dekabr kuni ertalab soat 8.00dan 12.00(tushlik) vaqtigacha faoliyat ko‘rsatadi. Bu haqda Migratsiya markazi axborot xizmati xabar qilmoqda.
"Saxarovadagi Migratsiya markazi 1-8 yanvar kunlari ta’tilga ketadi. Markaz ishlamaydi. Chunki 1-8 yanvar bayram kunlari hisoblanadi", — deyilgan xabarda.
Ta’kidlanishicha, 9-yanvar kuni Migratsiya markazi odatiy ish tartibida ishlaydi. Ya’ni migrantlar o‘zlarini qiziqtirgan masalalar bo‘yicha ushbu markazga ertalabki 8.00dan kechki 20.00gacha murojaat qilishlari mumkin.
