TOSHKENT, 14 dek — Sputnik. Leningrad viloyati Qonunchilik kengashi deputatlari Rossiya Davlat Dumasiga yangi qonunchilik loyihasini taqdim etmoqchi. Ushbu yangi qonunchilik loyihasi maxsus lotereyani yutib olgan chet el fuqarolariga Rossiyada yashash huquqini taqdim etishni nazarda tutadi, deb xabar qilmoqda RIA Novosti.
Yangi loyiha eslatmasida ushbu lotereya chet elliklarning ixtiyoriy ravishda Rossiyaga koʻchib kelishga qaratilgan chora-tadbirlar tizimini belgilaydi, deyilgan.
Rossiya Grin-kartasi gʻolibi xuddi AQSH Grin-kartasi gʻolibi singari kabi kompyuter yordamida aniqlanishi taʼkidlanmoqda. Lotereya gʻolibiga esa Rossiyada yashash huquqini beruvchi hujjat taqdim etiladi.
Loyiha mualliflariga koʻra, lotereya oʻyinida Rossiya Federal hukumati tomonidan tasdiqlangan mamlakatlar aholilari ishtirok etish huquqiga ega boʻladi. Deputatlarning aytishicha, ushbu roʻyxatdan emigratsiya darajasi oʻta past boʻlgan davlatlar oʻrin olishi mumkin.
Tashabbus mualliflari lotereya oʻyinlarini mutlaqo bepul tashkil etishni taklif qilishmoqda.
