TOShKENT, 13 dek — Sputnik. Shavkat Mirziyoyev 14-dekabr kuni qasamod qabul qiladi, deb xabar qilmoqda O‘zbekiston Respublikasi Markaziy saylov komissiyasi matbuot xizmati.
Eslatib o‘tamiz, Shavkat Mirziyoyev 4-dekabr kuni bo‘lib o‘tgan prezident saylovida 88,61 % ovoz to‘plab g‘olib bo‘lgan edi.
O‘zbekiston Respublikasi Konstitutsiyasining 92-moddasiga binoan, Prezident O‘zbekiston Respublikasi Oliy Majlisi yig‘ilishida quyidagi qasamodni qabul qilgan paytdan boshlab o‘z lavozimiga kirishgan hisoblanadi: "O‘zbekiston xalqiga sadoqat bilan xizmat qilishga, Respublikaning Konstitutsiyasi va qonunlariga qat’iy rioya etishga, fuqarolarning huquqlari va erkinliklariga kafolat berishga, O‘zbekiston Respublikasi Prezidenti zimmasiga yuklatilgan vazifalarni vijdonan bajarishga tantanali qasamod qilaman".
