TOShKENT, 13 dek — Sputnik. Madridning «Real» jamoasi va Portugaliya terma jamoasi hujumchisi Krishtianu Ronaldu France Football nashrining an’anaviy yillik sovrini — "Oltin to‘p" sohibi bo‘ldi.
Portugaliyalik futbol yulduzi uchun bu to‘rtinchi "Oltin to‘p" sovrini bo‘ldi. France Football 2008, 2013, 2014-yillarda ham Ronalduni ushbu sovringa loyiq deb topgan edi. Nufuzli sovrin topshirilish marosimida, Yaponiyada rejalashtirilgan o‘yinga tayyorgarlik tufayli, Ronalduning o‘zi ishtirok eta olmadi.
France Football nashri "Oltin to‘p" sovrinin 1956-yilda joriy qilgan. Sovrin yevropa qit’asida yilning eng yaxshi futbolchisiga beriladi. Futbolchini sport jurnalistlari tanlaydi.
Le vainqueur du Ballon d'Or France Football 2016: CRISTIANO RONALDO #ballondor pic.twitter.com/IP5J2s7pqk
— France Football (@francefootball) 12 dekabrya 2016 g.
