TOShKENT, 12 dek — Sputnik. Latviya poytaxtida bo‘lib o‘tgan "Riga Open-2016" turnirida o‘zbekistonlik bokschilar 5 medal sohibi bo‘lishdi, deb xabar qilmoqda O‘zbekiston boks federatsiyasi.
Xalqaro boks turnirida Shvetsiya, Norvegiya, Isroil, Armaniston, Rossiya, Ukraina, Belorussiya, Liva, Estoniya, Latviya va O‘zbekistondan 140 nafar bokschi ishtirok etdi. Bahslarda 10 komplekt medalar taqdim etildi.
52 kg vazn toifasida Sirojiddin G‘ulomjonov Isroillik David Alaverdiandan mag‘lubiyatga uchrab, kumush medal sohibi bo‘ldi;
56 kg vazn toifasida Abdulxay Sharaxmatov Latviyalik Nikita Androshchuksni mag‘lubiyatga uchratdi;
64 kg vazn toifasida Elnur Abduraimov rossiyalik Anatoliy Zirnov ustidan g‘alaba qozondi;
75 kg vazn toifasida Maxmud Gaipov Belarusiyalik Ilyas Adzinev ustidan g‘alaba qozondi;
91 kg + vazn toifasida Baxodir Jalolov Latviyalik Evandres Servuts ustidan ishonchli g‘alaba qozondi;
Besh sportchidan iborat O‘zbekiston jamoasi turnirda 4 oltin va bir kumush medal olib — turnirning eng kuchli jamoalaridan biri bo‘ldi. O‘zbekistonlik Elnur Abduraimov esa — hakamlar tomonidan "Turnirning eng yaxshi bokschisi" unvoniga loyiq deb topildi.
